นิทาน Txhua Tus Muaj Nuj Nqes

นิทานเรื่องนี้แนะนำมาโดยคุณ Povlas (ซึ่งคุณ Povlas ได้อ้างอิงผู้แปลมาด้วยคือ Zoo Tswv Zov Yaj) ขอบคุณสำหรับนิทานดีๆ ทั้งด้านเนื้อหา และภาษาครับ

Muaj ib tug Xib Hwb, nws niaj hnub qhia ntawv rau nws cov tub kawm txuj.

Muaj ib hnub, tus Xib Hwb nqa tau ib choj nyiaj tuaj, nws nug cov tub kawm txuj tias

?Leej twg xav tau nws choj nyiaj kom tsa tes?

Cov tub kawm txuj txhua tus puav leej tsa tes tas huv tib si. Tus Xib Hwb muab choj nyiaj tso rau saum lub pob zeb thiab nws xuas nws rab qwb riag tsoo ob peb teg ua rau choj nyiaj hmlos ua tej kwb kab. Tus Xib Hwb rov nug cov tub kawm txuj dua tias

?Tsam no choj nyiaj hmlos tas lawm, leej twg xav tau nws choj nyiaj kom tsa tes?

Cov tub kawm txuj txhua tus yeej tseem tsa tes li qub. Tus Xib Hwb rov nug cov tub kawm txuj dua tias

?Yog choj nyiaj no poob rau hauv pas av, txhua leej txhua tus muab tsuj lo av tag, puas tseem muaj tus xav tau.?

Cov tub kawm txuj sawv daws tseem tsa tes tas huv si thiab. Cov tub kawm txuj thiaj nug tus Xib Hwb tias lub ntsiab uas tus Xib Hwb yuav qhia yog dab tsi.
Tus Xib Hwb thiaj qhia lub ntsiab rau cov tub kawm txuj tias :

?Choj nyiaj no yeej los yog ib yam muaj nuj nqes nyob hauv peb lub neej. Nws txawm yuav mluav, yuav hmlos los nws yeej yog ib choj nyiaj. Peb tshwm sim los ua neeg nyob ntiaj teb no kuj ib yam. Txawm qee zaus peb ntsib kev txom nyem, kev nyuaj siab, kev quaj ntsuag, peb raug luag hiam, luag thuam, raug luag quab yuam, luag saib tsis taus, ua rau peb tag kev cia siab thiab qaug zog. Los kom peb xav ntsoov hauv peb nruab siab tias peb ib leeg muaj ib txog sia. Hnub no peb txawm yuav muaj yuav pluag, yuav khwv khwv hws ntws nto, lo av li, los kom peb nco ntsoov tias tsis tas peb yuav muaj nyiaj txiag, yuav ua nom ua tswv xwb peb thiaj muaj nuj nqes. Tsuav yog peb ua ib tug neeg zoo, siab dawb siab huv, ces peb yeej los muaj nuj nqes ib yam li luag tej thiab. Qhov tshwj xeeb tshaj mas yog peb muaj nuj nqes rau tus neeg uas nws hlub peb mog.?

Leave a Comment

Your email address will not be published. Required fields are marked *